කිසිම ගැහැනියෙකුට තවත් පිරිමියෙකු හෝකිසිම පිරිමියෙකුට තවත් ගැහැනියෙකුව තේරුම් ගත නොහැකිය….
ඒ සමහර විට ගැහැනුන් එක් ආකාරයකටත් පිරිමින් තවත් ආකාරයකටත් සිතන පතන නිසා විය හැකිය……
මට වැඩියෙන්ම රිදෙන්නේ තවත් අයෙකු මා වැරදියට තේරුම් ගත් විටය ඉහත කරුනු අනුව මට එහෙම දුක හිතෙන එක අසාදාරණ වියහැකිය….
බුදුරජානණ් වහන්සේ දේශනා කලේ අනුන්ව පසෙකතබා පලමුව තමන් තේරුම් ගන්න කියාය…එහෙත් මම මා ගැනම හිතන හැම විටම ”මට මේ මොකද වෙන්නේ” කියා මටම සිතේ. කලකට පෙර මම මා ගැන හිතන එක අත් හැරියෙමි .මමත්වයත් මහම එපාකරපු දෙයකි.

තවත් කාලයකට පසු මම මා ගැන හිතන්න නැවතත් පෙලඹුනෙමි. මගෙ අනාගතය ගැන හීන මැව්වෙමි. මට වැරදුන බව තේරෙන විට මම මගෙ හීන සමග සෑගෙන ඉහලකට පියාඹා හමාරය. ඇස් ඉදිරිපිටම පියාපත් බොඳවී අතුරුදන් විය. ඊයම් බරුවක් මෙන් ඇදවැ‍ටුනු මා පොලවට පතිත වනවිට කෙලින්ම වැදුනේ ඔලුවය සියලු සංවේදන අහිමිවී මා සම්පූර්නයෙන් හිරි වැ‍ටුනු නිසාත් කලින් වරින් වර ඇදවැටී පුරුදු නිසාත් මහා වේදනාවක් නොදැනුනි.. සාංකාවක් සමග තරමක සිහි විකල් බවක් නම් ඉතිරිවිය.
හොඳ සිහිය වේදනාවක් වෙන තරමට සිහි විකල් බව නම් මට මහත් අස්වැසිල්ලකි.

අතීතය ගැන හිතන විට ‘මම නං කෙලවගන්නම උපන් එකෙක්’ කියා හිතේ
වර්තමානය ගැන හිතනවිට ‘ඇයි අප්පා මටම කෙල වෙන්නේ ‘ කියා හිතේ
අනාගතය ගැන හිතන විට ‘ඒකටත් කෙල වෙයිද දන්නෙ නැහැ ‘ කියා හිතේ

”කෙල උනොත් කෙල වෙච්චාවෙ” කියා කිසිවක් නොහිතා ඉන්නටද හිතේ.

ඒත් මෙ කෙල වීමේ කෙලවරක් නැත.
..

Advertisements